Isang Pasasalamat.

"Leading is thru walk and not by talk."
ced-sc'08-'09

Isang karangalan po ang pagsilbihan namin ang mga Estudyante ng Kolehiyo ng Edukasyon sa loob ng Isang taon. Isang Taon na naging mabunga dahil sa pagtutulong-tulungan nating lahat at pagkakaisa.Isang taon na panunungkulan sa inyo bilang tagapaglingkod sa isip, sa salita at sa gawa.

Hindi nga po madali ang mga responsibilidad na aming inako ngunit naging makabuluhan dahil sa inyo mga minamahal naming kapwa mag-aaaral. Ang mga hamon po na aming hinarap ay isang mabigat na hamon na buhayin, gisingin at pasiglahin ang konseho ng mga Estudyante na ang sentro nang kamalayan ay ang interes ng mga Mag-aaral. Isang Makabuluhan at Maingat na paglalayag po ang aming Taon.

Ang College of Education Student Council 2008-2009 po ay taus-pusong nagpapasalamat sa inyo mga minamahal naming mag-aaral sa isang taong pagtitiwala, pagmamahal at pagsuporta sa aming paglalayag kasama po ang opisina ng Dekano Dr. Rolando D. Dollete. Kami po ay nagagalak sa inyong mainit na pagyakap sa mga programa at proyektong aming ginawa. Kami po ay naniniwala na kayo ang tanging susi ng aming tagumpay at hindi kami bilang officers bagkus kayo bilang aming pinagsisilbihan. Kasama po namin sa aming paglalayag ang aming napakasipag at napakamatulungin na TAGAPAYO Sir JAYPEE S. DE GUZMAN na nagpapasalamat sa inyo, gayun din ang aming maituturing na tagapayo kahit di ligal ay buong pusong nakikiisa sa amin Sir FRANCIS ALBERT B. MENDOZA. Kami po ang tumayo sa inyong hamon sa loob ng isang taon. Maraming-maraming salamat po mga minamahal naming kapwa Mag-aaaral.

Bilang Pangulo po ng CEd-SC 2008-2009 kasama ang SUlong Ka Eduk Leaders board o SUKE ay tahasang nagsasabi sa inyo ng isang SALAMAT. Simple ngunit malalim, Mababaw ngunit inyong pinalalim dahil sa suportang iginawad sa amin. Hindi po kami magtatagumpay sa aming paglalayag kung wala kayo bilang katuwang namin sa hamon. Mga minamahal kong kapwa mag-aaral isang pagsaludo po ang aking hatid sa inyo dahil sa pagtitiwalang ibinigay sa akin, sa amin. Dumaan po tayo sa butas ng karayom ngunit atin po itong kinaya dahil sa pagkakaisa nating lahat. eka nga po walang mahirap kung magtutulungan at walang malalim sa mga taong nagkakaisa. Sobra-sobra po ang aking pasasalamat at wala pong paglagyan kahit po may mga KRITIKONG bumabalandra sa amin bilang tagapaglingkod ng SC. Salamat po at Magkikita pa po tayo para sa isang paglilingkod muli.

Ang CED-SC 2008-2009 po ay kinilala ng taon sa mga parangal na iginawad ng University sa atin.

-> Best Community Service

-> Best Educational Program

-> Best Student Service

-> 1st runner-up Best Organizational Program

Samakatuwid po tayo ay Isang SC na tuwirang MATAGUMPAY. Ito po ay dahil sa inyo. Sa ating pAgmamahalan at Pagtutulungan.

Tayo rin po ay Kinilala sa loob at labas ng CLSU bilang aktibong miyembro ng mga samahang kinikilala ang importansya ng bawat nasasakupan, gayundin po ang pag-upo sa ibat-ibang samahan bilang officer.

-> 11th CCL, Deputy Speaker at Minority Floor Leader

-> Quo Vadis Novo Ecijanos Youth Movement, Vice President

-> Provincial Youth Development Council, Member

-> World Youth Alliance, Member

-> National- Management Society, Secretary General

-> Alliance of Student Leaders for 21st Century, Director for Luzon

-> National Union of Students of the Philippines, Member

Ang mga ito po ay isang hakbang lamang po upang magkaroon tayo ng matibay na samahan sa loob at labas ng ating kolehiyo. Isang pagpapatunay lamang po ito na tayo ay Global competitive. Kinaya natin po ito dahil sa maalab ninyong pakikiisa at pagmamahal.
 

Ang CEd-SC 2008-2009 po ay isang samahan kung saan ang lahat ay kasama at kaakibat sa hindi matatawarang paglalayag. Ang lahat pong tagumpay na ito ay hindi tagumpay namin kungdi TAGUMPAY NATING LAHAT.

Mabuhay po tayo at MARAMING-MARAMING SALAMAT PO SA INYO mga kapwa naming Mag-aaral....

Atin ito, ipagmalaki natin ito.

CED-SC '08-'09